Молитва за болни, утеха, сила и оздравување

Дали страдате од некоја болест или можеби некоја ваша драга личност е тешко болна? Ви предлагаме молитви за болни, кои вам можат да ви бидат на благослов.

Дали ви е тешко да се молите кога не ви е добро? Кога се чувствуваме беспомошно, нашиот Господ Исус Христос сака да се држиме за Него. Тој сака да ни биде нашата помош!

Треба да се молиме за себе и за болните, знаејќи дека Бог може да го обнови здравјето. Тој има моќ да нé излечи и има желба да нé утеши и да ни даде нова надеж. Ни дава одмор кога сме уморни и мир кога сме вознемирени.

Молитви за болни кои можете да ги молите во тешки времиња

Ако ви е тешко да се молите во тешки времиња, ви предлагаме молитви за болни кои можат да ве инспирираат своите мисли да ги изнесете пред Бог.

  1. Молитва за болест

Небесен Татко, Ти ги контролираш сите делови од моето тело и знаеш кога не функционираат најдобро. Болеста ми создава стрес и ме спречува да работам на нештата кои ги сакам. Искрен сум Татко, не сакам да бидам болен.

Денес доаѓам кај Тебе барајќи го Твојот допир. Помогни ми да бидам трпелив и да Ти дозволам Ти да ја работиш својата работа. Дај им на докторите мудрост и знаење кои им се потребни за пожртвувано да се грижат за сите болни, а од Тебе да бидат благословени за својот труд.

Ти си мој Исцелител и мој славен доктор. Ти се заблагодарувам на ветувањата од Твојот Збор кои ме уверуваат во Твојата присутност и Твојата помош. Научи ме за она што сакаш да го научам во овие неповолни времиња. Помогни ми да се ослободам од непријатноста околу себе и покажи ми како да бидам добар пациент додека заздравувам. Во овие денови на болест, Татко ти верувам и те молам да ме оздравиш. А кога ќе ми го обновиш здравјето дај ми мудрост како да се однесувам спрема своето тело, како спрема храм на Твојот дух. Посакувам да стојам на нозе и да Ти служам до крајот на животот.

Небесен Татко, Ти благодарам за длабоката и бесконечна љубов која ми ја даваш додека сум во болничка постела. Ти верувам дека ќе ме обновиш и подигнеш. Ти благодарам што го испрати својот Син како жртва за мојот грев и мојата болест. Бидејќи Ти си тука за мене знам дека ништо не може да ме одвои од Тебе. Мојата победа е преку Твојот Син, Исус Христос. Амин.

  • Молитва за ублажување на болката

Драг Боже, фала Ти на љубовта, милоста и милосрдието. Те молам непријатноста да се претвори во утеха, моите загуби во добивка, моите солзи  во смеа, а мојата тага во радост.

Твојот Збор вели дека си блиску до оние кои се со скршени срца и дека смирените по дух ќе ги спасиш. Те молам биди до мене и потпирај ме со својата моќна десница. Мојата надеж Боже е дека во оваа агонија и страдање ќе ми ја покажеш својата милост и ќе ги ублажеш сите мои болки. Толку ме исцрпува оваа болест и копнеам за денот кога ќе и дојде крајот. Боже оздрави ме во согласност со Твојата волја и план за мојот живот. Амин!

  • Молитва за утеха

Небесен Татко, фала ти што никогаш не ме напушташ. Ти ми вети дека ќе ме чуваш и ќе се грижиш за мене, вети дека ќе ја вратиш утехата кај оние кои страдаат. Донеси ми мир и оздравување. Татко, фала ти што секогаш си покрај мене и што Твоето уво е подготвено да ја слушне секоја моја молитва. Ти си во состојба да направиш и повеќе од она што барам и можам да го замислам ако е во согласност со Твојата волја. Прослави се преку мојата болест. Во името на Исус. Амин!

  • Молитва за сила во болеста

Господе, фала ти што ја знаеш секоја моја потреба. Ти вети дека на уморните ќе им дадеш сила и дека ќе бидеш поткрепа на оние кои доаѓаат кај Тебе. Те молам помогни ми да се потпрам на Тебе кога се чувствувам слаб-а, да ја примам Твојата помош кога чувствувам болка и да се држам за Твојата утеха среде мојата неволја. Без оглед на се помогни ми да живеам во совршена рамнотежа со Тебе и те прославувам со сите мои мисли, зборови и дела. Амин. 

  • Молитва за болен пријател

Боже, биди денес со мојот пријател. Неговата/нејзината болест го/ја ограничува и се чувствува немоќно. Но, Ти Господе си секогаш моќен. Те молам да му/и дадеш утеха и сила. Не постои ништо преголемо со кое Ти не можеш да се справиш. Те молам, Твојата рака да делува во животот на мојот/a пријател/ка и да го/ја исцелиш. Ти благодарам за Твојата силна заштита. Ти благодарам што си милостив и секогаш присутен. Амин.

Извор: https://www.novizivot.net/molitve-za-bolesne/?fbclid=IwAR16wFASWbQEY-f12JATz2Hzq-YD0F5BdtcIxUymS9xCg7OUlH_NMkFWGT8

Leave a Reply

Вашата адреса за е-пошта нема да биде објавена.