Додека се соочувате со она што го носи овој ден, верувајте дека Бог е со вас во сè и дека со Него ќе триумфирате!

Ова е денот што Господ го создаде; да се радуваме и да се веселиме во него! (Псалм 118:24)

Семоќниот Бог ви даде нов ден. Она што се случи вчера не може да се промени, а што ќе се случи утре е непознато. Да не дозволиме непријателот на нашите души да ни ја одземе радоста, мирот и надежта.

Воведниот стих вели: „… да се радуваме…“ Навистина, имаме причина да се радуваме: ние сме живи, здрави и дочекавме уште еден ден. Да бидеме брзи да ги отфрлиме негативните мисли и да бидеме будни да се фокусираме на она што е добро. Библијата вели: „Радувајте се секогаш. Молете се непрестајно. За сè благодарете. Зашто тоа е волјата Божја во Христа Исуса за вас.“ (1 Солуњани 5:16-18)

Бог не бара многу зборови. Да кажеме едноставно и искрено што ни е на срце: „Господи, Ти благодарам за новото утро. Ти благодарам што ме сакаш и ги задоволуваш моите потреби според богатството на Твојата благодат. Денес ми е потребна Твојата помош во сè. Помогни ми секогаш да Ти верувам и да се потпирам на водството на Твојот Дух. Те сакам!“ Тој ќе одговори на секоја искрена молитва.

Знаеме дека овој ден никогаш не може да се повтори. Не губете време гледајќи назад кон она што беше вчера, или напред кон она што може да биде утре. Покајте се за сите гревови и пропусти и продолжете кон овој ден.

Мора да научиме да ги броиме нашите денови и да живееме како секој од нив да ни е последен на оваа земја. Можеби овој е тоа! Денес треба да го славиме Бога во сè што кажуваме и правиме и да дозволиме сонцето на нашата љубов да изгрее над секое зло.

Бог е присутен, тука и сега. Додека се соочувате со она што го носи овој ден, имајте го на ум стихот од Исус Навин 1:9: „Биди силен и храбар. Не плаши се и не обесхрабрувај се, зашто Господ, твојот Бог, е со тебе каде и да одиш.“ Денес можеби страдаме, но со Него ќе издржиме. Бог е во контрола! Денес непријателот ќе се обиде да нè обесхрабри, но со Господ сме победници!